Cebuano News: Salinas mapasalamaton sa libreng medical-dental-optical mission
by Rey Anthony Chiu
Tagbilaran City (12 September 2008) -- Mapasalamoton si Catigbian mayor Roberto Salinas nagdto sa kapwa Ko Mahal Ko, sa Philippine Charity Sweepstakes Office, GMA 7 Cebu ug sa mga miboluntaryo aron mapatuman ang usa ka adlaw nga medical, dental ug optical mission sa iyang lungsod niadtong miaging semana.
Kapin sa usa ka libo ka pasyente ang nahatagan ug libreng check up, mga tambal, operasyon ug pangibot sa ngipon lakip na ang libreng eksaminasyon sa mata gikan sa mga volunteer medical practicioners ug aides gikan sa Sugbo ug sa lungsod sa Catigbian.
Ang medical dental mission giorganisa sa Kapwa Ko Mahal Ko foundation ug maoy ika 6 nga kalihokang nahatag sa Foundation alang sa Bohol sukad sa ilang pagsulod dinhi.
Matud ni Salinas, daku ug gikatabang ang medical mission ilabi na kay ang lungsod kasamtangan pang nagpatukod sa mga pasilidad aron permanenteng matubag ang panginahanglan sa katawhan sa lungsod. (PIA)
Posted by Webmaster, 08 December, 2008
|
|
HOME
NEWS & EVENTS
More News at:
Philippine
Information
Agency
|
